5位本地Figure界「Friend過打Band」的創作潮人，包括「鐵人兄弟」的KennyWong和WinsonMa、M.I.C.ZERO作者Ultraman、SpookyCat創作人DannyChan、及Husky的Kevin，親手操刀為CocaCola交叉odm設計新的紀念品。好朋友有機會首次聚頭合作，趁今次訪問來個「光明頂決鬥」，「互數」對方的設計！
記者：葉雪芯
攝影：陳盛臣
想要點換？
五款手錶，每款限量100隻，可惜全部不作公開售賣，只限抽獎。現凡於7-11購買４支可口可樂樽裝，憑收據利用SMS將交易編號發送到60111234即可參加抽獎（名額500個）。
5創作人大玩黑白潮
今次5位創作潮人聚首，替Coca-Cola新推出的紀念品「Coca-Cola×odm+」手錶設計5款錶面，包括DannyChan的剪紙構圖SpookyCat、HuskyKevin的雪橇狗洛洛Rock跳躍星河、Kenny的自創畫家小妹妹Molly、WinsonMa之猩猩王ADAMAPE和Ultraman的M.I.C.ZERO天使翅膀太空人。錶身全部採用odm+的DD100型號為主體，錶面較大，一向主Sell淨色簡約，今次的錶帶就湊湊熱鬧，大玩秋冬季大熱不死黑白潮。
Husky扮細惹攻擊
5位大男孩，在訪問時一輪唇槍舌劍。HuskyKevin率先搶咪：「佢哋啲作品，我由細睇到大，都十幾年了。」此「扮細」言論一出，立刻惹來４位「前輩」指點。Kenny和Winson：「HuskyKevin好想紅！今次錶面用咗代表自己的Husky洛洛做主角，仲加埋佢招牌的淡淡然星河圖案，仲唔係想做明星?!」Kevin直言只花了很短時間去設計，不夠兩星期就想出「跳躍星河」的錶面，要多謝各位前輩的啓發！
Ultraman設計黑版ZEROWatch
小記見傾咗咁耐仍是瀰漫着一片溫情，原來好戲在後頭。記者問到5款錶之中，點解只有一款是黑色的ZEROWatch，Winson和Danny即場爆料：「Ultraman密謀爭取這款黑色設計！聽講佢個圖的顏色係專門夾好晒，襯番黑色錶帶㗎！」Ultraman：「今次可以負責設計黑色版ZEROWatch，係因為早前Coka-ColaZERO登陸香港時為佢哋做過一些宣傳設計，加上我的Figure公仔M.I.C.ZERO的銀白顏色與黑色Monotone襯晒，咁就結下呢個零系之緣。咁啱啫，無密謀㗎！係咪咁小器嬲先？」至於Kenny的自創畫家小妹妹Molly則得到眾人認同比例一流，Kevin：「簡直係黃金比例，Molly頭像選擇放埋一邊，支針無論去到幾點都唔會遮到個鼻，考功夫㗎！」高手密會，大家都係識英雄重英雄！
DannyChan拉攏成事
至於促成今次合作的始作俑者，原來是SpookyCat創作人DannyChan，Ultraman和Winson：「我哋5個識咗接近十年，首次有呢個組合，要多得Danny，佢人脈多到嚇死你，好多人搵佢搞設計㗎，經由佢搵晒我哋幾個老友，直情係我哋金牌經理人！」Kenny：「佢裏裏外外都係做大佬，連設計都最有霸氣！出動貓爪痕，真係𢱑爛塊面幫我哋攞呢個Project返嚟㗎！」聽到此處，原本好Cool的Danny亦流露出鐵漢柔情：「一場兄弟，咪講呢啲衰嘢啦！」
銀包鎖匙包加錢換
手錶限量仲不出公開發售！無運點算？仲有Coca-Cola×odm+Monogram銀包及鎖匙包，質料用黑色防水防污帆布，顏色則黑撞黑，Monogram圖案以象徵着DannyChan、HuskyKevin、KennyWong、WinsonMa、Ultraman五大創作達人之個人標記為主，另有簡約Minimal，飲可樂加錢換番個補數！
查詢：全線7-11（22103388）
可樂收藏家：無得炒！
可口可樂推出的紀念品、精品一向有價有市，不少仲推出不久後便有炒價出現，可惜今次這5款錶，就不被可口可樂收藏迷看好。售賣可口可樂精品的Nelson就直言5款限量手錶炒唔起：「設計上，睇唔出同可口可樂有咩關係，Logo太細，對於可樂迷來講就唔太吸引。不過始終係限量，市場上總有一定需要，只是相信價錢不會很高。而銀包就更加唔使講，本身價值只是十幾廿蚊，設計上的可口可樂標誌又不明顯，不會有炒價的。」
今年炒食玩 去年炒奧運！
Nelson說，近期最受歡迎的本地可口可樂精品，要數年初推出的食玩系列：「一推出就好快換晒，之後有好多客人上來搵。時下興炒食玩，而且呢套精品算製作精美細緻，又非常有可口可樂特色，所以炒賣價錢很好。」實用手錶都不及玩具咁好炒，一切只因可樂迷對於Logo呢樣嘢好執着。
查詢：珍藏樂（28844559）
地址：銅鑼灣駱克道523號3樓全層
