久未露面嘅韓星李多海，喺噚日韓國播放嘅泡菜雪櫃廣告中，以短髮短裙新形象示人。佢話自從高中畢業之後，過去6年都係留長頭髮，見到近期唔少女星都將頭髮剪短，所以決定搞搞新形象，戴短假髮拍廣告。雖然有網友大讚新look可愛，但佢竟然自嘲似擺咗棵未醃嘅泡菜喺頭上，睇嚟都係唔多習慣。另外，李多海今日會去曼谷，出席韓國觀光公社嘅活動。