溫碧霞最近曝光率甚高，要宣傳寫真集及電影《出埃及記》，因而被指冷落丈夫何祖光，傳出兩夫婦感情有變，其夫更被拍到跟異性頻頻約會。前晚溫碧霞表示跟丈夫的女友人認識，並稱丈夫跟異性出街看戲是正常活動，向他投下信任一票。
溫碧霞、劉心悠、任達華及張家輝等前晚往灣仔會展出席電影《出埃及記》首映禮，同場還有最近的新聞人物張達明及陳道然（蘭子）等，見蘭子匆匆到場，左手手腕貼上膠布，但她似乎不欲再提有關自殺傳聞，拍照後即趕入場。至於達明近日被偷拍到背妻媾女，前晚他也刻意避開訪問，未有多作停留。
復出拍戲的溫碧霞（Irene）前晚穿上一條低胸紫色短裙到場，打扮性感，搶盡風頭。近日有指她因忙於工作，因而冷落丈夫何祖光，其夫更與一名女子頻頻約會，兩夫婦感情似乎亮起紅燈。
「老公嘅舊同事」
前晚Irene否認婚變之說，她說：「我覺得唔係，因為我都識個女仔，佢係我老公嘅舊同事，我平時都唔睇呢啲報道，只係朋友畀我睇，我都有異性朋友，同異性出街睇戲好正常，又唔係影到佢哋拖手同kiss，總之我百分之百信任佢，冇啲咁嘅事。」
提到該戲因題材敏感而未能於內地上映，Irene對此說：「可能套戲講殺人組織題材影響到，我覺得有少少可惜。」
家輝羨慕啓華
此外，吳啓華日前於長春擺酒迎娶女友石洋子，張家輝也專程赴宴，他說：「啓華原本冇請我，係我見到上山詩鈉，佢問我係咪去，咁咪一齊去囉，去嘅圈中人唔多，得志偉、阮兆祥同我，佢個個老婆都咁鬼靚，佢真識揀。我嗰啲講緣份，佢就講外表。」問他是否認為太太關詠荷不漂亮，他即補鑊說：「我成日都話個衰婆靚啦，我成日讚佢靚㗎。」
採訪：張俊銘 攝影：葉君海
