劉心悠同任達華噚日喺銅鑼灣宣傳電影《出埃及記》，心悠表示一起身就覺得胃痛，由於佢一向怕打針，所以冇去睇醫生，佢話：「我今朝胃痛痛到嘔呀，不過我覺得自己飲食均衡同埋成日做運動，所以身體好健康，而且我食咗少少嘢之後又冇咁痛，唔需要睇醫生。」至於華仔表示想喺兩年後舉行攝影展，由於佢有過萬張相，相信到時要花好多時間揀相。