廖碧兒前晚穿上黑色性感低胸裙，與楊千嬅在灣仔出席關懷聽覺音樂會，雖然碧兒的性感打扮賞心悅目，但她獻唱葉蒨文的歌曲《瀟灑走一回》卻不時走音。千嬅則自爆常用耳筒聽歌聲浪過大，令聽覺受損。
廖碧兒前晚與「聽覺大使」楊千嬅、胡楓、吳君麗和羅敏莊等，在灣仔伊利沙伯體育館出席奧廸慈善基金「妙手仁心關懷聽覺音樂會2007」。穿上黑色低胸裙的廖碧兒於現場獻唱她的歌曲《實情》，之後獻唱葉蒨文的名曲《瀟灑走一回》，不過她卻不時走音，似乎該曲對她而言有一定難度。
「講嘢越嚟越大聲」
身為聽覺大使的楊千嬅自言要關注聽覺的重要，她稱以前用耳筒聽歌會開得很大聲，令聽覺在不知不覺間受損，千嬅說：「因為發覺自己講嘢越嚟越大聲，後尾遇到小齊（任賢齊），佢同我講長期開大volume，會令聽覺受損，佢仲話自己聽覺都有少少受損，所以佢介紹咗個特製耳筒畀我去保護聽覺。」
「耳痛怕聽唔到嘢」
千嬅還稱跟陳奕迅拍攝電影《每當變幻時》時曾給對方打了一記耳光，令她痛不欲生，千嬅說：「劇情要佢打我一巴，佢原本話借位打落我個鼻，點知佢打側咗，打落我耳仔，我個鼻堅㗎，唔會甩㗎，我同佢講耳仔好痛，怕聽唔到嘢。」千嬅還稱曾試過耳燭，但其後得知不可以做太多，令蠟積聚在耳仔內會有反效果。
此外，羅敏莊透露前日原本是她跟男友陳國邦結婚之日，其後因為擺酒場地未符合消防條例而取消婚宴，她說：「其實我都冇乜所謂，因為乜嘢都未搞，我哋係基督徒，主要以慳錢為原則，所以會揀啲平嘅日子同地方就好滿足。」
採訪：張俊銘
攝影：陳慧安
