八位味之天使在無綫節目《味分高下》中甫出場已分出高下，樣子甜美的賈曉晨（JJ）成功彈出，難得的是多位「天使」被彈貌似「豬扒」時，她仍力撐眾女外在美、內在美兼備。早前JJ被指在節目上「電暈」孫耀威，原來孫耀威正是JJ的偶像，她說：「我好欣賞佢，第一隻買嘅碟都係佢嘅！」
八個女孩子要一樣漂亮或一樣醜，百中無一；即使名為「天使」，但要樣子全都美若天仙，一樣萬中無一，難怪憑奪得「美少女廚神」冠軍而為人熟識的賈曉晨，甫出場已被譽為至索至靚，問她一眾味之天使可有爭風呷醋？她說：「冇，我哋個個都好friend，之前我只係識蘋果（何卓瑩），但大家一齊做嘢之後就好快熟絡，得閒講吓化妝扮靚。至於企位其實係一早定咗，冇得爭。」
拍電影愛上對手
談到多位味之天使遭網友狠批不美，JJ謙稱說：「可能因為我入咗行幾年，所以較多人識，個個女仔都好靚，每個人都有優點同可愛一面，慢慢就可以睇到。」早前JJ被指在節目上令孫耀威失晒暈，女方表示毫不知情，但巧合的是，原來孫耀威正是其偶像，她說：「我好欣賞佢，第一隻買嘅碟都係佢嘅！」愛唱歌的JJ現在正隨蔡立學唱歌，備戰出碟，她扁嘴道：「老師好惡，都有鬧我㗎！」
JJ出得廳堂，更加入得廚房，不過也有烏龍的時候，曾因只顧講電話炒燶餸，她又說：「有次我請朋友嚟屋企飲咖啡，朋友話：『點解陣味咁怪嘅？』後尾先發現我落錯咗鹽。」
失魂的JJ在人生路上也常感迷惘，她說：「我覺自己好迷惘，我鍾意幻想、好感性，正因為性格係咁先可以做演員。」她表示年前拍攝電影《伊莎貝拉》時，劇情講她慘遭張致恆拋棄，結果她因太投入演出無法抽身而失聲痛哭，早前拍新片《茶色生香》期間還戲假情真愛上對手，她說：「返到香港之後個心好唔舒服，要成三、四個月先復原。」
心靈雞湯療情傷
愛上對手可以學習抽身而退，可是在現實中被情人背叛，痛比千刀萬剮，JJ說：「我真係唔想記起佢，到今日我仍然面對唔到。佢令我明白到對愛情唔可以抱太大希望，佢真係令我好失望，佢以前承諾嘅嘢做出嚟竟然完全相反。」
飽受情傷的JJ透露近日勤讀心靈書籍尋找安慰，她說：「好似《男人來自火星．女人來自金星》、《男女大不同》同埋《忘了總比記得好》都好值得睇，令我明白到唔開心嘅事一定要面對，冇唔開心事又點會有開心事呢？」
撰文：吳佩思
攝影：陳順禎
服裝：breadnbutter
場地：天與地（尖沙嘴諾士佛臺）
人物誌：賈曉晨（JJ）
年齡：25歲
三圍：33、23、33
身高：165cm
‧81年於濟南出生
‧濟南大學畢業主修中醫
‧02年開始參演內地電視劇及拍攝廣告
‧去年參加無綫節目《美女廚房》成為美少女廚神
‧曾拍攝電影《伊莎貝拉》及《校墓處》等
‧參演《味分高下》，為索爆味之天使「梳打」
‧最近客串《愚樂ILoveU．Summer》
