由專家分析到網上討論，9歲神童沈詩鈞和14歲醫科生何凱琳都不斷受傳媒、外界評頭品足，很多人認為9歲學童沈詩鈞難以與同學相處，很難投入大學生活。
然而，學界文武生吳永豪卻對這兩位「神童」另有見解：「好多人話沈詩鈞得9歲唔適宜讀大學，但我認為佢比何凱琳仲適合。沈詩鈞讀數學，和同學相處唔到都唔緊要，最緊要佢識數學；但係何凱琳讀醫，有好多事需要深入探討；當佢畢業後，一條人命喺佢手，佢有冇足夠經驗、道德認知去處理每件事？」
阿豪以過來人身份指：「會考成功與否不代表一切，好多事都要靠人生閱歷去實踐，尤其是讀醫，佢能唔能夠去成熟處理每件事將會好影響佢將來。」8A生的獨特見解，比起任何人更有說服力，同樣是尖子，同是今年入大學，雖然素未謀面，但總有惺惺相惜之感。