11/09/2007.....
幾陣驟雨
最新動態
我間唔中都喜歡約埋三五知己，飲番兩杯啤酒傾吓偈，贏波收錢一齊歡呼，輸咗一齊鵪鶉；又同好多打工仔一樣，都發過吓夢想搞小生意，近年想過開酒吧，不過越嚟越覺得呢個諗法幾不設實際。
後生嗰陣，好鍾意去漆咸圍附近一帶酒吧，尤其以一隻雀命名嗰間，不過自從呢間昔日旺場喺去年世界盃後因業主狂加租結業後，造成連鎖效應；到最近，佢附近起碼已有5、6間酒吧結業，好多酒客去晒諾士佛臺、寶勒巷同棉登徑打躉；加上香港人北望神州左擁右抱，本地消費場所，除咗禮拜五、六都幾冷清㗎。有錢都攞嚟買吓實力股票放三五七年，平均回報有兩三成仲爽啦。喺賭博字典裏，做生意其實係最大賭注，因為你要甩身唔容易，最肥嗰個一定係業主！買股有幾爽，問吓四叔啦！
飲酒，都係小酌好嘞，我見過唔少酒客，飲咗酒後亂咁打電話落注，求其一場巴甲都買二、三千銀；飲大咗，抬你返屋企嘅朋友又麻煩，第二朝自己又辛苦，返唔到工又俾老闆詐型，何必呢？
http://hk.myblog.yahoo.com/footballexperts/
逢周一至五見報
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。