今時今日見工面試，無論學歷有幾高，我彈珠人奉勸各位一句：「最緊要EQ」！網友eleueleu某日到一間大型電器公司應徵顧客服務主任一職，通過所有電腦操作測試後，正式進入面試階段，遇上兩位面試官一忠一奸，結果eleueleu因為發火所以中招。
網友eleueleu憶述面試慘痛經歷：「interview時，有兩個女仔入咗嚟，一個好有禮貌，但另一個就不停打喊露。」
eleueleu指後者不停問無厘頭兼挑釁性問題，例如她說有一年停工全職照顧患病父親，卻被問「咁你哋一家食咩呀？靠綜援呀？」還問已婚的她是否認同已婚女性「唔捱得」。
令她開始發火的問題是「你國語講得好好，你係咪香港人？係咪借結婚嚟香港㗎？」她即時反擊：「假如你想考EQ，我明白，但唔需要咁攻擊，你咁講都有失自己喺公司嘅身份同人格！」結果eleueleu中招，被請回家等消息。
夾埋考應對
方方媽媽同彈珠人一樣，即時回應：「中咗招啦！佢哋夾埋㗎！咪就係考你對住啲無禮無理無人性嘅顧客時，點應對囉！下次繼續有禮貌咁答落去，即刻請你呀！」晴B媽說：「你知唔知美國都好興兩個考官，一個做忠，一個做奸。專登講一啲挑剔說話，睇吓啲interviewee會唔會失去冷靜。香港最鍾意跟風，我相信係跟隨美國的interview形式。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]