【本報訊】對於民主黨甘乃威昨日突然宣佈退選，並全力支持陳方安生參選，社民連和部份獨立議員均有不同反應。最大反應的是社民連副主席勞永樂，他公開批評甘乃威退選事件是密室政治，但隨即遭該黨主席黃毓民指其言論「過火」及「黐線」。
勞永樂被責過火
勞永樂昨日接受有線電視訪問期間全程「黑臉」，他認為甘乃威宣佈退選，並全力支持陳太參選，反映民主派是進行密室政治：「無論邊個退出補選或者參加立法會港島區補選，社民連嘅立場都唔會變，一定會派人參加補選！」他又形容昨日是香港民主發展里程碑最黑暗的一天。黃毓民則認為，勞永樂是次反應過火：「佢都黐線嘅，咩密室政治啫，呢個係甘乃威嘅個人選擇嚟㗎嘛！」
但黃毓民表示，他和勞永樂的大原則一樣，就是該黨會派人參加泛民初選機制，如果陳太參選，亦要參加初選機制。黃毓民昨晚於NOW寬頻電視接受李鵬飛訪問時補充：「呢場仗由陳太去打係適合，但係既然有初選機制，唔用就難睇啲。」
「我哋唔係搞局」
黃毓民指出，社民連的立場很清楚，一定會派人參加初選：「如果初選輸咗，我哋就唔會派人參加立法會補選，咁樣對陳太冇壞；我哋唔係搞局，唔係話初選輸咗都派人補選。」
前綫劉慧卿則說，尊重民主黨的決定，但表明如果日後有多於一人希望代表泛民參選，應該堅持透過初選機制，協調人選出戰：「呢個係我嘅原則，我唔會隨便放棄」。劉慧卿解釋，如果放棄初選機制，就會有多於一個候選人出戰補選，與泛民當初協調支持一名代表出戰的原意背道而馳。