前日約咗嘉寶去hightea，諗住聽佢講吓非洲之旅有冇艷遇。點知佢遲咗成個幾鐘，我忍唔住鬧佢，點知佢話：「習慣咗叫男朋友等嘛，阿媽話女仔青春有限，如果有男仔肯等，就要享受吓俾人等嘅滋味。」一來我係女仔，唔係佢男友；二來我最唔buy呢套，專登遲到扮矜貴。幾時見過英女皇遲到吖？
所以我一向都鍾意買錶，唔會遲到，聲稱本地最大型主題式手錶商場T-yama台，9月15日喺尖沙嘴廣東道80號開幕，呢個商場嘅PR話，嗰日去到T-yama台，只要戴住嘅手錶牌子，同場內有售嘅任何手錶牌子相同，可獲贈一隻價值千幾蚊至一萬蚊嘅手錶，每小時送一隻，同一小時內多過一個人，就要抽籤；送錶時間係當日下午1點至9點。
T-yama台樓高3層，走中高檔路線，有成50個牌子，包括美國Fender、意大利潛水錶Immersion、意大利AngelodiVenezia等；佢仲提供手錶諮詢服務，同埋最新鐘錶書籍供免費參閱。
逢周一至周四刊出