數碼達人：抵港實試<br>iPodnano暈浪記

數碼達人：抵港實試
iPodnano暈浪記

千呼萬喚始出來！6月底，AppleiPhone現身，震撼全球IT界。兩個月後，蘋果再公佈iPhone減價消息，刺激公司股價之餘，更宣佈iPod家族三位新成員加入──touch、nano以及classic。除容量超「GB」加大碼外，更在招牌ClickWheel上注入嶄新嘅CoverFlow，一路轉一路揀「CD」，嗰種感覺，蘋果Fans實試後竟然話：有啲暈！

記者：陳國輝　攝影：陳偉強

Mac友：肥咗，依然好揸手！

講到曉飛都冇用！對Mac友嚟講，上網睇晒軟件硬件規格咁又點？最緊要親身感受吓iPod與一般MusicPlayer的分別。筆者的超級Mac友同事阿Ben，記招當日主動出現要求率先試玩。「今次nano肥咗，但相對個芒好闊，解像度有320×240，睇片好清楚！」
拎上手，佢話唔同顏色有唔同Feel，五隻色之中，黑色最舒服。以ClickWheel試玩新設的CoverFlow選曲功能，佢話：「比想像中冇咁順暢，我轉得快嗰陣，CDCover相根本Load唔切。如果裝滿啲歌喺部8GBnano裏面，幾十隻CD不斷係咁轉，真係頭都暈！」

■新nano除銀、黑、藍、綠之外，仲有紅色特別版（PRODUCT）RED。

■改頭換面之後，nano個芒闊過上一代接近一倍。

■機背改為鏡面Design，易印手指紋，但勝在夠靚。

現場實試：八成流暢，冇Delay！

筆者冇用開iPod的經驗，純以局外人心態試玩，總覺得ClickWheel需時適應，才能得心應手。玩CoverFlow，用ClickWheel控制就最夾，最令人感動係只需輕輕一捽，CDCover已變成老虎機咁狂轉，到Step2、Step3進入SongList和播放介面時，全程冇Delay，比大部份標榜專玩音樂嘅IT潮物，又豈止贏一條街！
另一重點，nano首次加入Video播放功能，畫面流暢度、解像度、光亮度比上一代提升65%，也值一讚。但始終屏幕太細，睇一陣已覺辛苦，更何況一套120分鐘的電影！呢一代還可播放24小時音樂或5小時錄像，搭長途機就最啱。