王菲日前帶咗幾個女性朋友嚟香港玩，前晚佢同經理人陳家瑛見面，去咗灣仔車氏粵菜食晚飯，過咗三粒鐘先見到佢同陳家瑛等人落樓，阿菲落嚟時就多咗一袋海味，據講係陳家瑛喺西環海味舖買嚟送畀佢嘅。雖然今次阿菲返嚟同工作冇關，但大部份朋友都係娛樂圈嘅人，所以呢幾日佢都同過唔少圈中友好敍舊，佢同啲老友話未諗過復出。