日本女歌手山田優前日喺秋葉原宣傳剛推出嘅細碟《fiesta!fiesta!》，同過百名fans見面。佢喺宣傳活動上搞搞新意思，即場表演廚藝，煮出杏仁豆腐等共四款菜式。扮成美女大廚嘅山田優事前準備充足，一朝早就去準備食物，佢話平均每星期會煮兩次飯，平時最鍾意同模特兒好友一齊玩煮飯仔，唔怪得佢前日煮得咁有信心啦！