恒生（011）搵咗伯樂音樂樂院院長伍樂城，幫手推廣佢哋嘅「優越理財」，華華問過幾位資產夠50萬銀嘅朋友，佢哋似乎唔係好識伍樂城係邊位，直至講到伍生嘅作品《下一站．天后》，佢哋先至有啲印象。
點解搵佢？原來伍樂城嘅爸爸媽媽，都係用開恒生。
恒生嘅「優越理財」服務，新推出私人禮賓服務，由機票預訂、交通安排、娛樂消遣都有專人安排。喺噚日嘅宣傳推廣儀式上面，恒生特登搵咗位模特兒打扮成空姐咁樣，向恒生銀行總經理（個人理財及財富管理業務）梁永祥送上一張巨型登機證。華華諗，個意思大概係用咗恒生，去邊都唔使騰！