上個禮拜五，外滙基金大手增持港交所（388），暴民批評：「有冇搞錯！政府增持港交所幫大戶托市，買咗Put輪嘅散戶，同想等跌市至入貨嘅人，俾佢玩死！大跌嗰陣佢唔托，等升到癲先出嚟。」elf798亦質疑：「上個月咁平又唔入，𠵱家創新高先入。」
政府與民爭食
Bearson估計：「唔通收到風直通車就嚟開出，家陣入定港交所等收錢。」即使政府真係咁叻，但風雨星雲亦批評：「政府與民爭食。」桃李亦話：「政府自己玩埋一份，咁會有利益衝突。」
Fundmanager就另有見解：「政府用高價搶貨，唔通驚類似TCI（兒童基金）嘅大戶，控制港交所玩嘢？」
有大把水位升
馬後炮同意：「可能阿爺驚港交所會俾人敵意收購，所以下行政指令增持，咁咪仲有大把水位升？」28807話：「咁就要擔定凳仔睇好戲，官鱷大戰不日上映。」不過，Yshappy認為：「買起港交所單嘢，已經傳咗成年，班高官家陣先嚟做嘢？」
http://www18.discuss.com.hk/viewthread.php?tid=5238300&extra=&highlight=%B4%E4%A5%E6%A9%D2&page=1
報料站
歡迎提供網上財經趣聞，資料一經採用，酬100元。
請附姓名、電話及電郵地址，交[email protected]