碧咸玩厭咗美國生活，要返英超投靠阿仙奴？非也！碧咸係就係𠵱家身處倫敦同阿仙奴跟緊操，但係萬人迷唔係轉會，而係貪兵工廠嘅醫療設施夠Top，諗住喺嗰度療傷啫！雖然碧咸喺洛杉磯銀河份合約寫明，如果有球會肯借佢，「萬人迷」都可以揀吓走唔走人；但係阿仙奴不嬲玩年輕化，加上又係曼聯死對頭，點會要碧咸吖。