早前跟網友討論關於以往粵語片常以表哥與表妹談戀愛為題後，發現原來還有不少網友對電視劇橋段感興趣，因為橋段與現實的距離實在太大！網友四兩認為最令上班族感到匪夷所思的是「一班同事去飲茶一定有位，叫到成枱點心一定食得切，仲有時間講是非，但又可以準時返到公司！」
公司男女傾偈度日
孤單的人在高登討論區補充：「公司嘅男女同事個個都咁靚仔靚女，個個都好好傾，成日都唔使做就只係開會或傾偈，如果喺公司廁所入面傾偈，傾完出返去後，一定會有個人喺其中一個廁格走出來陰笑。公司個pantry永遠都好大，有好多設備！」
卡嚕．蘇將其他討論區的資料集結成為一份「無綫編劇百項必備元素」天書，有興趣入行做編導人士不容錯過。其他橋段包括：「主角間屋永遠超大！唔夠住仲買埋隔籬！」「大肚婆跌一跌會冇咗個BB，男女飲醉酒會唔知自己有冇做錯事！」看到這些「經典」橋段，彈珠人已經笑爆嘴！