前日味千(538)公佈中期業績,披露問銀行借錢,同用內部資金去炒新股,Warrenlam1982話:「拎股民啲錢走去炒股?」Japan912話:「唔通冇人幫襯,搞到要拎啲錢出去博,咁遲早會出事喎。」
Geoggg話:「一間公司做到好似啲散戶咁,借錢抽新股,聽起嚟都好搞笑。」SBSWAI就嫌味千投資冇眼光:「拎成2億去入飛,都係賺得77萬,有冇搞錯呀!」
麥格理覺得:「諗真啲,食物原材料價格最近係咁升,咁會影響盈利,佢又唔想大幅加價,咪要搵番啲額外收入幫補吓囉!」大隻金唔同意:「佢買小麥、豬肉期貨,對冲嚟貨材料貴咗就話啫,家陣唔係喎,走去炒股,你估炒餸叻,就代表炒股叻嘅咩!」
Lawdenis就恭喜味千成功轉型,「話唔定,遲啲去味千食拉麵,有機會送新股㖭。」
http://www18.discuss.com.hk/viewthread.php?tid=5225179&extra=page%3D24&page=1