汪明荃（阿姐）昨日到灣仔為即將舉行的演唱會排舞，她即席示範了1分鐘的勁舞，她說：「我今次個rundown好長，會唱好多歌，於是就叫排舞師幫我排一part5分鐘嘅勁舞畀大家睇。」
榮升博士
對於日前有人以署名「百年寵愛的你」於報紙刊登廣告，預祝阿姐演唱會成功，她表示不知情，更驚訝地說：「邊個嚟㗎？咁樣賣個廣告好貴㗎，不如叫佢買飛仲好啦，以我熟識一定唔會係羅家英，如果佢要咁做一定仲高調。」當記者笑指阿姐有桃花，她即說：「好呀，不過我就唔覺有人追我啦。」
此外，阿姐昨日接受港台訪問，提到11月將獲香港城市大學頒授榮譽文學博士學位，她說：「我覺得係極大榮譽，自己讀到中五，冇諗過做到博士！」
採訪、攝影：李珮洳