一手熱鬧番，周末睇樓可以順便遊新界離島。興業愉景灣尚堤，今日重售，成為焦點，現樓有6個靚裝修示範單位，發展商好識做，喺尖沙嘴、青衣城、太古及天后等，安排多部免費專車。
一場山長水遠，嚟到愉景灣，睇完樓，當然要四周圍行吓，順道觀光，可去大白灣沙灘，感受吓呢度富外國度假氣息。
新界方面，賣緊貨尾嘅上水御皇庭，現場搭咗個新示範單位，3房，首8名買家，可以優惠價買車位，內地買家仲着數，代理送高清電視。
睇完樓，仲有時間，可以去大埔超級城，中秋節就到，商場搞緊「新地極級餅王」活動，展出由超過300個鹹蛋黃、200公斤白蓮蓉製成、直徑80吋嘅超級月餅。
