日本男星中居正廣宣佈，即將同女星仲間由紀惠拍攝新片《我但願成為貝殼》，今次係佢哋繼上年紅白大賽擔任司儀，再次攜手合作。呢個故事先後多次被拍成劇集同電影，中居飾演一名戰敗後被判死刑嘅戰犯，而妻子仲間就不離不棄支持佢。經常喺節目度搞笑嘅中居，絕對係一次考驗演技嘅新挑戰。仲間話收到劇本後有少少壓力，但好榮幸能夠演出，電影預計下年底上映。