博愛前主席李家松太太洪芷晴，2000年與大劉劉鑾雄展開罵戰，大劉更懸紅100萬揭名媛私隱，洪芷晴敗走家鄉新加坡多年，近月她靜悄悄陪夫亮相馬場。昨日她終於高調回歸社交圈，獲鄭裕彤撐腰在銅鑼灣剪綵，難怪她高舉勝利手勢說：「我係凱旋回歸！」
洪芷晴昨日以香港國際書畫家協會主席身份，在中央圖書館為「回歸十周年名家書畫展」主持剪綵儀式。洪芷晴以一條近30,000元的Valentino紅裙，配25卡蛋白石頸鏈及鑽表，身光頸靚，風騷亮相。
洪芷晴一提到搬返香港居住，即時滔滔不絕說：「其實我係6月18日正式搬返香港，嗰日恒指成交1000億，係一個好兆頭！我𠵱家嘅生活無憂無慮，好舒服，ball場嘢如果係善事我都會去，我想做多啲慈善，為民服務，風花雪月就唔去。」
與丈夫分房睡
記者發現洪芷晴不論在畫作或名牌上，都除去了夫姓，她承認與丈夫李家松感情亮紅燈，她說：「其實呢，就係咁，人生有好多唔同轉變，我諗咗好耐日子先落呢個決定。」不過她之後又解釋兩人仍同住西貢7,000呎大屋，暫時分房瞓。她說：「我哋結咗婚15年，間屋係我哋共同擁有，而且啲細路需要媽咪照顧。」
記者重提洪芷晴避鋒頭多年，她即時顯得有點激動說：「我身家清白，由頭到尾都係有人作古仔，係惡作劇，2000年時，有記者搵我做訪問，因為我第二日去日本，所以推咗，點知第日就有記者喺機場亂影我，發生一連串嘅古仔，古仔嘅主角唔係我！我嗰時都好委屈，唯一解決辦法係用法律途徑證明我係清白。」她隨即高舉V字勝利手勢說：「我係凱旋回歸！」之後更連舉了五次V字。
大劉曾懸紅100萬揭名媛私隱，問到她事件擺平沒有？洪芷晴一聽即避談說：「我唔熟呢個人，都唔想評論呢個人，人哋嘅事唔關我事。」問到她回港會否搵工作？她即瞪大眼說：「唔係呀？我一向都有投資，啲股票又升，人嘅肚好細，好易填滿。」
彤叔懶理葉璇
此外，鄭裕彤表示專程捧洪芷晴場，他說：「我支持佢，大家朋友，一直有聯絡。」不過提到他契女葉璇近期整傷頭，他就漠不關心說：「冇嘢，拍戲係咁㗎啦，佢咁忙，邊得閒聯絡我？」
採訪、攝影：JessicaNgan
娛樂資料庫：伴富豪外遊掀罵戰
洪芷晴是博愛前主席李家松的太太，98及99年因樣子漂亮走紅Ball場，2000年與大劉發生罵戰，哄動一時。當年洪芷晴被發現陪伴富豪鄭裕彤和明嘉福等同遊日本，有人涉嫌向傳媒放料，間接令同團的劉鑾雄與女友、何柱國與羅麗莎的關係曝光。
之後有人指洪芷晴與明嘉福過從甚密，她開記招憤而反擊，親自撰寫1,500字公開信，痛罵L君「天收佢！」，大劉同時懸紅100萬，徵求某名媛過去的資料，其後更一度將懸紅升到1億元，又找來林依麗踢爆社交圈醜聞，洪芷晴同年搬到新加坡隱居。
