官恩娜揀好戲女星
「如果要我講，我會想睇外國演員啲股罅，好似冇咁尷尬，我會想睇梅麗史翠普（MerylStreep）股罅，因為佢平時好保守，同埋佢係會為藝術犧牲嘅專業演員，如果佢露得，一定係好有美感，拍得好靚，仲要係劇情需要佢先會肯做，加埋佢嘅演技，相信一定好睇。」
袁彌明喜黑實男星
「男藝人嘅話，我想睇古天樂同郭富城（右圖），佢哋好健碩，相信個股都好結實，男仔個股除咗結實有線條外，仲要膚色夠黑，白就唔好，好肉酸，所以我相信佢哋露股罅會好睇。我都好鍾意男仔籮大同埋髀粗，咁樣先夠穩重，我以前嘅男朋友個個都係咁。」
鄭希怡着重線條美
「喺芸芸藝人之中，我最想嘅係睇吳彥祖（右圖）嘅屁股，因為佢好靚仔，同畀人性感嘅感覺，令人好想去睇，而且佢個身形一直都keep得好fit。咁靚身形嘅人，線條一定收得好好，應該好有線條美，靚嘅嘢自然想欣賞一下。」
方力申八卦股膚色
「梗係最想睇任達華（右圖），一嚟華哥夠大隻，有倒三角身形，想睇吓佢股肌係咪一樣咁結實，會唔會全身黑實膚色，但係去到股位就白咗。我都有諗過自己會唔會演露股鏡頭，若果好似房祖名咁配合大自然感覺，都可以接受，但係涉及情慾戲就暫時唔會，未敢去做。」
劉心悠情迷畢彼特
「我最想睇畢彼特（BradPitt），因為佢係我嘅偶像，除咗靚仔外，佢仲畀人嘅感覺係做乜嘢都咁sexy，就算佢着晒衫都已經好吸引，何況如果佢肯喺一部戲入面露股？我相信應該會吸引好多人睇，佢每部戲我都差唔多睇過，我真係好鍾意佢㗎。」
鄭融靚女着數啲
「我會想睇謝茜嘉艾芭（JessicaAlba），我覺得佢身形好靚，好弗，每個部位都啱啱好，樣又靚，佢露邊一度都唔會覺得係色情，整體佢全個人都好健康，可以從欣賞嘅角度去睇佢。我又覺得一個patpat最靚係要挺、皮膚滑同亁淨囉，個形千祈唔好扁。」
採訪：楊潔雯、何永寧、馬建華、魯萍
