「街場6壯士」中的17歲小將朱嘉斌因事臨時「甩底」，令臨時補替的今屆NikeLeagueMVP周健宏「冷手執個熱煎堆」，不但獲拜恩親自教授球技，更難得是能夠在Kobe身上取分。
「今次真係好好彩，如果唔係名單有空缺，我冇可能喺拜恩面前獻技。」得一想二，「肥宏」在接受拜恩訓練後，竟公然挑戰Kobe，要與他來個1on1：「當時我心想，既然這個機會可一不可再，倒不如試一試，我覺得他斷不會喺2,000多人面前拒絕我吧？」
攞到1分已心足
雖然「肥宏」最終以1:5敗陣，但難得在Kobe身上取得寶貴1分，他已感到心滿意足：「能在這位NBA巨星身上取分，就算輸都抵喇！」而另外3位有幸獲拜恩「過料」的「小壯士」亦十分興奮，其中18歲的蘇振威更以發夢來形容：「其他球員均有喺學界馳騁沙場嘅經驗，自己有幸獲得拜恩教授球技，真係『發夢都估唔到』。」