李克勤、梁榮忠及姚嘉妮等前晚在將軍澳無綫電視城錄影節目《大班冰皮月餅特約：越大班人月好玩》，表演嘉賓EO2、鍾舒漫、裕美與李逸朗等分成兩隊玩遊戲，當中以EO2玩蓮步舞最為落力及搞笑。
忠仔登山忍臭味
克勤自爆滿身長出濕疹，非常痕癢，他說：「七年前曾經試過出濕疹，諗唔到隔咗咁多年又翻發，睇咗成兩個禮拜醫生仲未好，𠵱家全身係濕疹，好彩面冇咋！」
梁榮忠、郭羨妮與崔建邦稍後將到喜馬拉雅山拍攝特輯，有指無綫認為三人形象負面，故陳志雲特別安排他們出埠拍特輯洗底，對此梁榮忠說：「我冇聽過乜嘢洗底喎！今次我哋會去喜馬拉雅山拍攝，我都驚有高山反應，所以問過米雪意見，佢叫我行動要慢啲，去廁所點臭都唔好閉氣，避免腦部缺氧。」
採訪：卓美娟