楊采妮昨日以一身露膊裝出席聯合國兒童基金會慈善活動，大會送她一支刻有她簽名的墨水筆，名模LisaS.和AmandaS.則示範刻有其他名人簽名的墨水筆。現代科技發達，很多人以電郵取代書信，但楊采妮表示仍保持寫信和寫聖誕卡的習慣，她說：「我𠵱家keep住寄生日卡同聖誕卡畀朋友，有個舊同學10幾年冇見，但我哋會互相寄卡，收到各地朋友嘅嘢會好窩心。越有歷史嘅信我更加唔捨得掉，搬屋要處理咗啲信先。」
拒請GiGi做伴娘
雖然楊采妮愛寫作，但她不敢寫情信追求男士，她說：「我唔敢追人，同埋人哋暗示我都未必知，要人明示。」若收到男士的情信，會否加分給對方？她說：「要鍾意嗰個人先得，不過就算唔鍾意，都唔會覺得惡心，只會覺得可愛。」
談到玉木宏指好友梁詠琪（GiGi）已結婚，楊采妮說：「佢結婚唔夠膽唔請我，係個美麗嘅誤會啫，佢𠵱家滿足於工作。我結婚講明唔搵佢做伴娘，因為佢太高，佢話可以彈琴唱歌，佢可以做坐低嘅嘢。」
採訪：王連連 攝影：仇志德
