呢排盛傳BMA高層林珊珊(右)地位不保，旗下嘅關心妍同周麗淇將轉組跟新入主嘅經理人陳乃灝，同時又傳珊珊搵緊林憶蓮過檔。噚日珊珊就自嘲係老油條，都仲有見報價值，佢解釋公司係擴充營業，以後佢會繼續帶鄭伊健（左）同草蜢，至於傾憶蓮只係美麗誤會啫，憶蓮嘅經理人黃柏高就話未聽過對方被挖消息，就算有都係證明藝人有價值。