張敬軒噚日出席「匡智競步上雲霄」慈善跑樓梯大賽記者會，比賽喺下月27日號舉行，佢話擔任大使咁耐都未試過跑樓梯，今年就想試吓，仲話：「我會叫大會call定白車，因為我有哮喘。」後尾知道比賽當日佢唔喺香港，所以參加唔到。佢又話：「媽咪見到我同智障人士一齊影嘅海報，竟然搵唔到我喺邊，證明我同佢哋真係融為一體。」