啱啱出席完威尼斯影展嘅房祖名（右）噚日越洋接受商台電話訪問，佢話喺威尼斯嘅使費太貴，𠵱家轉移陣地去附近嘅地方遊歷，節省旅費，若果得獎先趕返去影展領獎。講到緋聞女友薛凱琪（左）睇到佢張露股相驚叫，祖名就話薛凱琪個心臟好細，唔嚇得，好似拍《早熟》時已經知對方又畏高又怕小昆蟲。