余安安接拍有線劇集《補習天后》，飾演非常富貴的補習社老闆娘，還有個疼愛她的老公葛民輝。現實中，安安雖然經歷過不愉快的婚姻，但一樣事業有成，還有兩個寶貝女疼錫，真真正正活得比你好。談起前夫，安安決絕地說：「我哋冇見面，冇通電話，我同佢連朋友都講唔上。」
已有十多年沒拍港劇的余安安，甫回流即接拍有線60集處境劇《補習天后》，與葛民輝飾演一對小夫妻，安安說：「我以前唔識佢（阿葛），但都有睇過佢演出，覺得佢份人好好笑。我個角色係大女人，佢就係小男人，好愛我好遷就我，我覺得同阿葛好有化學作用，一埋位就夾到，好難得。」
享受單身生活
等埋位期間，「兩公婆」會在片場嬉戲跳舞搞氣氛，盡情展現頑皮一面，不過安安指阿葛其實很細心，她說：「私底下同佢傾偈，發覺佢原來可以好嚴肅、好認真，好有talent，仲好照顧我。」
曾經歷婚姻失敗，安安在夢工場中重拾幸福快樂。提到前夫李萬祺，安安帶點決絕的說：「兩個女有同佢見面，始終佢係兩個女嘅爸爸，我哋就冇見面，冇通電話，我同佢連朋友都講唔上！」被問到愛情生活如何時，她則說：「我真係唔急於要搵對象，我覺得𠵱家工作OK，兩個女又唔使我掛心，我好享受𠵱家嘅生活，暫時未有人打動到我。」
在《補》劇中，安安飾演富貴補習社老闆娘，她要出動大批私伙靚衫和飾物，又要自掏腰包置裝，而該劇開拍以來，多位是非主角葉璇、陳雅倫及梁思浩又頻傳不和，對此安安說：「對我嚟講係冇事發生，因為我同佢哋冇對手戲，同佢哋都唔熟，我覺得最重要係做好自己本身。」
女兒拒入娛圈
近年香港湧現不少所謂補習天王，安安說：「我兩個女讀國際學校，校方一直灌輸概念係唔好補習，等佢哋自律做功課，所以唔使請補習。只係大女考大學嗰陣驚自己數學唔好，先搵私人補習教過。」問兩位女兒可考慮入行，安安說：「佢哋好怕醜，唔識得面對咁多人，而且佢哋試過俾狗仔隊嚇親，有段時間好唔開心，對呢行更加冇興趣。」
採訪：吳佩思
攝影：陳俊強
髮型：KelvinKoobyHair
場地：香港九龍萬麗酒店港畔餐廳
