榮雪梅前晚以性感超低胸裙出席中環時裝騷，艷光四射，她揚言不怕走光，性感得有女人味才最重要。炒股、買樓賺大錢的她，早前斥資千萬在四川買地起度假屋，一償心願。
美國品牌ZacPosen前晚在中環開騷，一系列極具線條及格調的七彩新裝，精采美麗。久未露面的榮雪梅，穿上一件極為低胸的LaPerla黑色裙捧場，胸口位置更隨她動作下移，十分性感。
小心黑色
問榮雪梅不怕走光？她說：「唔怕，着慣咗喇，我唔理呢啲，我唔單止喺香港，喺外國都係咁着，永遠冇問題，可以sexy但唔可以暴露，我呢個年紀性感得嚟有女人味係最重要。」她直認多年來只失手過一次，正是她當年首次亮相ball場出席手錶派對的透點黑裙，她說：「自此之後，我特別小心黑色衫，不過我從來唔貼膠紙，冇必要。」
榮雪梅透露剛自四川返港，她說：「我喺當地買咗一塊6公頃地，用嚟起自住嘅度假別墅，內外全部我一手一腳設計。」
有山水景
問多少錢？她說：「地價唔只幾百萬，又唔使幾千萬咁啦，嗰度有山有水有風景，我老公都好鍾意。」
此外，時裝騷吸引了大批女士捧場，包括已故設計師俞儷軒女兒陳姿允、扒女李依琳、莫可欣、新加坡名模DennisKeller等，其中趙世曾兒子趙式浩女友、羅樂林女兒羅苡之放工後趕到，她指男友生病未能相伴，問她何時好事近？羅苡之說：「我哋𠵱家嘅年紀都係工作為上，唔會咁快諗住。」
採訪：MaggieLaw
攝影：ChenWaiOn
