梁詠琪（GiGi）、鄭融、夏韶聲、江若琳、新人周柏豪和女子組合Hotcha，前晚在將軍澳電視廣播城錄影節目《勁歌金曲》，梁詠琪擔任嘉賓主持，Hotcha憑歌曲《不要防曬》首度榮登勁歌金榜冠軍，三人以性感服飾載歌載舞演繹冠軍歌。
鄭融跟香港搖滾之父夏韶聲crossover大唱夏的經典歌曲《交叉點》和《童年時》等，不過鄭融演繹時似乎力有不逮。事後問夏韶聲對鄭融的表現有何看法時，他說：「crossover嘅意思唔係叫個細路女唱個老嘢啲歌，又或叫個老嘢唱細路女啲歌，咁即係難倒佢，又難倒我，叫鄭融唱我啲慘情歌好似《交叉點》咁，呢啲歌係要個人有經歷，失過好大戀，先可以handle，咁佢又未有咁嘅經歷。」
鄭融被問及夏韶聲指她人生經歷不是太豐富，所以在演繹上有一定難度，她說：「係呀，我未有咁嚴重。」當提到她也曾試過失戀時，鄭融笑說：「我嗰啲唔係好大。」
GiGi任嘉賓主持
此外，擔任嘉賓主持的GiGi對日本男星玉木宏日前擺烏龍誤爆她已婚一事，她前晚再否認此事，指大家只是溝通上誤會，她說：「日本事務所好重視呢件事，已發聲明指搞錯咗件事，其實嗰次係我台灣嘅國語唱片大賣，佢哋搞錯咗，誤會一場。」
採訪：楊潔雯 攝影：林德雄
