禮拜頭同老友賴恩去咗一個有錢搵、有酒飲嘅鬼地方，好彩我哋遇唔到嗰個長頭髮叫「1哥」嘅物體，都有少少錢落袋鬆人。我諗有睇鄭伊健套《無限復活》嘅朋友，就會知我講緊乜。
坐我後面嗰個青蛙仔話我係港產片之王，佢何嘗唔係陸家俊同蔡興麟嘅死硬派歌迷。我之所以睇過咁多港產片，係因為早喺小一時代，媽咪每逢禮拜三嘅賽馬日，就會帶我去總統戲院睇戲，之後仲去「金雀」鋸扒𠻹！我嘅港產片知識就係咁累積落嚟。
我喺度要多謝媽子之外，亦都要多謝蘋果波神喺〈賭blog日記〉讚我賭波有心得，事實近排我哋傾完巴甲之後，都各自執唔少，得到呢位征戰賭壇多年嘅戰友認同，梗開心。
畢傑一向唔追寶尾唔掂鬼盤唔買熱門，周六我買瑞典上盤。
讓球：瑞典（上）
心得：得我一個有「4贏」
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。
近5場往績：贏贏贏贏