𠝹女王吳嘉龍早前曾自爆被父親吳耀漢詐型，指他不帶女友見家長，前晚他果然坐言起行，拖健身教練女友到中環鏞記酒家，與老父及胞姊妹一同開餐，不過吳耀漢為護囝囝，竟指女伴是途人甲乙丙，吳嘉龍則笑稱對方是父親女友，鬼馬父子你推我讓，令人忍俊不禁。
吳嘉龍前晚和老父吳耀漢、姊姊Alex和妹妹Louis等齊到中環鏞記酒家用膳，共敍天倫。雖然31歲的吳嘉龍形象極花弗，但他向來孝順，早前吳嘉龍曾指父親不滿他未有帶女友見家長，結果前晚他真的帶新女友與家人晚膳。
舉家敍天倫
吳氏一家飯後離開酒家時，吳嘉龍父子即各自煲煙，一名長髮女郎黐實吳嘉龍傾密偈，大家有講有笑，但兩父子極為醒目，不久便發現有記者在場，吳耀漢充任探子東張西望，本來與長髮女伴並肩而行的吳嘉龍則對着鏡頭手指指，未幾便與女伴分頭走。
至於吳耀漢就與兩位女兒和一名女伴繼續漫遊中環，記者上前拍照時，他十分友善，跟兩女兒大方合照。提到吳嘉龍帶新女友見家長，68歲的吳耀漢寶刀未老，即時發揮冷面笑匠本色，詐儍扮懵笑說：「唔係，個女仔行過，見有記者影相，話畀嘉龍聽之嘛。」
坦承是朋友
不過吳耀漢父子口供不夾，昨日記者致電吳嘉龍，他竟將長髮女友推給爹哋，笑說：「嗰個係我老竇女朋友。」但最後他也承認對方是其朋友，任職健身教練，至於二人在街上表現親密，他口窒窒地說：「佢通水畀我有記者，但alittlebittoolate（有點遲）。」
採訪、攝影：娛樂突發組
