我「彈珠人」聽阿媽講，粵語長片最常見（即是老土）的情節是表哥愛上表妹，偏偏主角的父母反對親上加親，結果「搵戲嚟做」，哭鬧一輪結局都係「有情人終成眷屬」皆大歡喜，想不到這種老土劇情在現實中也極普遍。網友「MV仔」笑說幾歲時一度愛上表妹，「仲以為大個要同佢結婚！」
「MV仔」笑言是受電視影響愛上表妹，不少網友也說試過鍾意表哥、表妹及表姊，大多數是小時候的儍念頭，「MajorCpU」坦言曾跟表妹拍拖，「有呀，仲試過一齊咗一陣，好彩好短時間咋，如果唔係真係羞死咯。」
表兄妹可結婚
「Tashigi」提出一個彈珠人從未想過的問題，「除咗日本，仲有邊個國家可以表兄妹結婚？」據彈珠人所知，香港法例第181章列明，直系、近親和有姻親關係者不得結婚，堂兄弟姊妹、表親則可以結婚。彈珠人未試過愛上親戚，日日要對住班姨媽姑姐已經很辛苦，連結婚都「捨遠圖近」，不是我那杯茶！
http://www.miniforum.org/showpost.fcgi?MGID=2241445&FID=9&page=1&tempid=2