谷氣！點計今日重頭戲係意法大戰，世界冠軍鬥亞軍都冇得睇，枉我每月進貢5嚿水（夠我老婆買兩罐日本奶粉畀個女）畀兩大收費台，條氣點順？嗱嗱，咪同我講咩衞星、成本，我呢啲市井好單純，畀咗錢梗係想睇最好嗰場。呻完，有意見不妨click入hk.myblog.yahoo.com/footballexperts分享。
呢場我忍痛撐下盤，假如尼斯達、托廸未退役，意軍仲有機會，家陣就難贏。蘋果波神笑我情感對冲，為避嫌，在此推番另文寫嗰場葡國「主勝」；爆晒字，想睇理據麻煩揭番去AA3。
讓球主客和：葡萄牙「主勝」
心得：此推介為次選，但信心度亦高。
藍鑽石
忙於為與簡拿華路同日生的囡囡換片、掃風，但睇意甲，一場都不能少。
近5場往績：贏輸贏輸