「我老公失咗業好多年，對仔女要讀書，我一個人撐起頭家，每日搭巴士出市區返工，平均都要45至50蚊，巴士公司仲話要加，真係好慘！」家住天水圍天恒邨、現年40餘歲的王太無奈地說：「我哋呢啲天水圍街坊，個個都係低下階層，仲要出市區搵食，點負擔得起？」
王太目前替小朋友補習養活一家四口，月入約8,000元，租金約1,000元，一對讀中三及小六的兒女，每天要到元朗上學。王太現在每天都會搭九巴到黃大仙、九龍灣及旺角等地方開工，合起來每天車費高達45至50元，一個月算起來便達1,500元，連同子女搭車上學，全家每月交通費2,000元，佔家庭收入兩成半。本報記者
乘客意見
《尚可接受》
胡先生：「今次加幅尚可接受，因為近嚟物價都高咗唔少，而且人工都有調整，所以加價係必要同埋合理嘅。」
《加得太多》
謝小姐：「九巴加得太多嘞，變得好貴呀！唔加就最好啦，而且自己日日都要搭九巴返屋企，以後加咗價會被迫搭貴巴士。」
《唔加最好》
陳先生：「自己平日較多搭地鐵，但九巴唔加價就最好，因為今次加幅太大。不過就算真係加都會繼續搭，因為有啲地方搭巴士較方便。」
