大師講一句好過我哋講一百句，一句今年「唔興」，足以影響潮流動向。星級髮型師KimRobinson坦言直髮負離子已過時，大圈曲髮才是潮女之選，還在KERASTASEParis的髮型騷上，找來4位名模示範40年代、70年代及現代曲髮造型，想跟潮流走嘅就要昅實喇。
記者：郭佩韻
攝影：陳盛臣
KERASTASEParis髮型CatwalkShow
金啡紫啡屬首選
初次接觸KimRobinson，感覺親民，談笑風生，英語夾雜廣東話，說話直接，有感在場者髮型過時，即時狠批：「香港女仔向來鍾情負離子長直髮，已經唔興啦，大圈曲髮先至當道，但要着重髮型嘅volume，質感要厚、要搶眼，識得在傳統曲髮造型上，貫注新元素可令曲髮看來modern又創新。大圈曲髮係今個秋冬大熱之選，曲髮feminine得嚟又予人sexy感覺。」整個咁潮的曲髮，要染甚麼頭髮顏色最襯？Kim話：「今季流行啡色，但要夠rich，金啡、紫啡都係首選，但要視乎膚色而定。」
70年代Princess曲髮
陳嘉容（Eunis）擁有一把長長柔軟紅髮，Kim決定為她打造具70年代韻味的髮型。「Eunis五官輪廓很深，適合蓬鬆大把的曲髮，髮身volume十足，額前保留直劉海，加強年輕感。」配合埋長粗眼線，成個70年代公主look即刻出現。
Eunis評語：「佢能夠掌握女仔嘅五官輪廓，今日捲嘅曲髮好靚好啱我。」
髮型技巧
將每束頭髮用熱髮夾從髮根對上1/3開始捲3圈，待15-20秒，用髮夾定型30分鐘，拆髮夾下後，捽散頭髮再噴spray。
多名人捧場
Kim17歲來港，至今已有三十多年，明星如林憶蓮、林青霞、張曼玉、關之琳等都是他的客仔。Kim曾是名店LeSalon老闆，後加盟SalonEsprit出任國際美術總監，02年開設自家髮店kimrobinson。
現代Barbie曲髮
21歲的汪圓圓（Irene）擁有一把健康黑髮，Kim為她設計一個現代感重的曲髮。「頂着Barbie般的大曲髮，我刻意把劉海束起，凸顯Irene清秀的輪廓。」
髮型技巧
頭髮長度的一半開始用熱髮夾捲2個大圈，以髮夾定型30分鐘，再噴hairspray。
40年代大波浪曲髮
模特兒LesleyC髮色金啡，Kim說她最適合做復古髮型：「我幫Lesley做的大波浪曲髮充滿40年代浪漫感，她的瀑布金髮充份展現如荷李活女星的古典美態，東方人絕對做唔到。」
髮型技巧
每束頭髮從髮尾開始用熱髮夾捲一圈半至1/3長度，用髮夾穩固30分鐘，噴spray。
70年代黑色曲髮
韓籍模特兒Julie有把長而濃密的黑髮，Kim話：「Model樣子較有型格，最適合演繹70年代的黑色曲髮，野性誘人，倍增冬日神秘感。」
髮型技巧
每束頭髮以「Z」字形捲上U形鋼線，用錫紙包裹待一個多小時。拆去U形鋼線後，以捲髮器把S形頭髮再捲曲。
護髮BestBuy
電了一頭曲髮，髮質很易變亁，KERASTASEParis特設家用式曲髮護理系列，加入滋養油潤精華及捲曲防護分子，可令頭髮得到滋潤，髮質回復光澤及柔軟。
查詢：26922061
