一向備受名牌歡迎的梁詠琪，前晚在北京為MarcJacobs壓軸登場行騷，但被半年沒行騷、狀態大勇的周汶錡以及露香肩的嘉賓張靜初台上台下夾擊，搶去不少風頭。北京直擊
美國名牌MarcJacobs前晚在北京舉行07秋冬時裝展，特別揀選在古色古香、有60多年歷史、位於地安門大街的九龍苑舉行。大會特別邀請多年之友梁詠琪（GiGi）做貴賓行天橋，穿上一套4萬多元的珠片長裙作壓軸出場，不過狀態一般兼密實，風頭被同場行騷的周汶錡以及台下露背的張靜初蓋過。
拒異地戀
GiGi說：「我哋合作咗3年，今次行騷好輕鬆，唔緊張，不過我始終鍾意唱歌多啲，行騷有局限，唱歌可以表達自己嘅感情。」她謂今次重踏天橋，令她回憶起多年前在巴黎行高級訂做服騷，她說：「當年係以歌星身份行，行到遊魂咁，都唔知自己做緊乜嘢。」
提到玉木宏誤會她已婚，GiGi即說：「最嚇親係咁都可以做頭條，未經證實就做咗兩份報紙嘅頭條，真係有啲保留。」她雖然大讚玉木宏靚仔、有內涵、有風度，但強調沒有機會發展，她說：「遙距發展係冇可能，我𠵱家都唔想結婚，自由自在幾好！」分隔兩地難拍拖，她更斷言無法接受同性追求。
減少行騷
至於半年沒行時裝騷的周汶錡則打頭陣出場，新鮮感大增，事後她揚言很開心，她說：「近期做guest多啲，執吓位又有新鮮感，其實我諗住之後都唔做咁多騷，因為要寫書、拍廣告都好忙。」不過她仍會揀選特別的時裝騷，好像月底會到莫斯科為香港貿易發展局行騷。3
採訪：JessicaNgan
攝影：RickyIp
