07/09/2007.....
晴
最新動態
近排睇過唔少戲，可惜多數失望而回，無論港產片《導火線》或者西片《無恐不入》，劇情都陳舊犯駁到想割爛櫈，以後買飛入場前，都係打電話問吓寫開影評嘅好友米雪，或者有免費戲睇都未定……哈哈。
反而早前友人Betty電郵提醒，問我有冇睇過劉若英、古天樂嘅《生日快樂》，一語驚醒，即刻嗱嗱臨走去買隻DVD，反而有意外驚喜；當中情節可能你我都似曾相識，一段真摯嘅感情真係要經過好多年嘅考驗，未睇過嘅波友，可以周末一路喺屋企等睇國際賽，一路陪女友煲吓碟。
講開「情」，今日點都要買吓廣告，講吓父子情。呢個周末幫佢老人家擺大壽，自問向來忤逆，為咗份工，沉迷賭海，其他乜都唔識；佢老人家近年已由賭馬轉為賭波，同編輯彭Sir一樣，最鍾意小注買大波膽，今個禮拜冇乜醒佢，就買80蚊2串3波膽，挪威3:1、4:1串葡萄牙3:1、4:1，孝敬佢老人家，老竇，萬壽無疆！
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報