張學友噚日出發去長春繼續世界巡迴個唱，早前佢患感冒取消兩場香港個唱，噚日見佢仍一臉倦容。學友話已經好番六七成，之前都試過聲，可以開騷，仲話唔會取消內地演出，佢話：「如果要取消其實仲麻煩。」另外佢又再為取消個唱致歉：「唔開心一定有，但呢個係必須嘅決定，如果我唱到求求其其，入場睇我嘅人會仲憎我多過𠵱家。」