無綫新劇《舞動全城》昨日舉行宣傳活動，擔任活動司儀的劇中配角葉翠翠穿上低胸晚裝谷胸上陣，搶盡風頭，其性感打扮明顯撼贏其餘花旦，令劇中擔正演出的廖碧兒也忍不住暗寸她穿衣不懂得配合場合。
葉翠翠、廖碧兒、陳法拉、徐子珊、陳曼娜及胡楓等人昨日在尖沙嘴香格里拉酒店宣傳下周一播出的無綫新劇《舞動全城》，一眾演員穿上舞衣大跳標準舞，結果陳曼娜及胡楓獲監製梁材遠選為舞姿最佳的男、女演員。
葉翠翠在劇中飾演一名年輕母親，沒有任何跳舞戲份的她昨日擔任活動司儀，穿上低胸晚裝谷胸上陣的她搶盡風頭，其性感打扮明顯撼贏其餘花旦。葉翠翠說：「原本公司安排畀我嘅吊帶裙仲性感，所以我自己問相熟嘅設計師借咗呢條裙，我點會搶到人哋鏡呀！」
密實包上頸
擔正演出的廖碧兒昨日就穿上一件包到上頸的密實舞衣，她解釋說：「我都有一件性感拉丁舞衣，不過今日唔係跳拉丁舞，其實着衫最緊要係配合番個場合，佢（葉翠翠）係司儀通常都要靚啲嘅。」
至於徐子珊就表示在劇中飾演富家女，不需要拍攝跳舞戲份，被問到可會覺得被葉翠翠搶風頭？她說：「各有各唔同美態啦，女仔有本錢show吓都OK。」
此外，胡楓被問到契仔張學友臨時取消兩場演唱會的報道時，他力撐對方說：「尾二嗰場成七點九佢仲喺後台練開聲，唱到高音都拉唔到，對一個表演者嚟講想做到十全十美係應該嘅。」
採訪：卓美娟 攝影：葉君海
