NBA籃壇泛起婚變潮，先係米高佐敦，跟住又有網隊嘅傑特，之前甚至爆出火箭嘅麥基廸有私生女，𠵱家又輪到熱火中鋒奧尼爾（圖）！「巨無霸」最近申請同結咗婚5年嘅老婆Shaunie離婚。奧尼爾仲言正聲明，要佢老婆清楚列出喺結婚期間所得嘅資產清單畀佢律師check。「巨無霸」嘅數口果然厲害，連為自己生咗4個仔女嘅老婆都冇面畀！