今時今日出嚟做嘢，普通話唔單止要識講，仲要有番咁上吓流利，最慘我以前學過嘅都畀番晒老師。啲同事叫我去考國家語委會嘅普通話水平測試，喺香港同內地各省巿都認可。考試以口試形式進行，分朗讀字詞、短文等五部分，有心人可以報讀大學有關嘅校外進修課程去考試。
小妹又要返工，邊得閒坐定定上堂。噚日咪搵商務印書館嘅老友Patrick問吓，佢話商務啱啱出咗本《普通話水平測試狙擊特訓》嘅書，專攻呢個試。Patrick話，本書涵蓋有關考試嘅內容，包括約19,000詞彙，仲有埋光碟由專人朗讀短文，加埋錄音功能，供學習者重聽自己嘅發音。有興趣可到 http://www.cp-edu.com/psc/下載試用版。
Patrick仲話，會送五本《普通話水平測試狙擊特訓》畀消費Blog嘅粉絲，可填上姓名、聯絡電話及「索取蘋果消費Blog讀者禮物」字樣，email去[email protected]，先到先得。
逢周一至周四刊出