剛過去的勁歌優秀選鬧出不少風波，先有何韻詩因未能得獎而在其blog寫上「老老實實，點夠你哋咁幽默」，暗寸節目有造馬之嫌，而容祖兒力撐阿詩之餘也不甘地表示自己只得細獎，而網友又為關菊英未能攞獎出頭，不過新人裕美就好少理，為得到新人薦場飆星獎而相當興奮。
後台合照晒人緣
凌零發在裕美的blog上就看到她為是次得獎而大肆慶祝一番，相當認真，與其他資深歌手對待這個頒獎禮的態度截然不同，又特別在家中與最近所得獎項拍照留念，又寫上「佢哋實在太靚啦……我仲攞埋上星期得到嘅十大兒歌金曲獎出嚟影相……真係好開心呀！」相當識做，最後又貼出與組合農夫在後台拍的合照，人緣果然勁好。
裕美Blog
網址： http://hk.myblog.yahoo.com/iam-hiromi