好耐冇見嘅蕭芳芳噚日以一身紅噹噹打扮，出席護苗基金記者會。身為基金主席嘅佢呢排認真頭痕，事關下個禮拜六（15號）基金會舉行賣旗籌款，但到𠵱家仍然搵唔夠義工幫手，搞到佢心跳唔順同好擔心。芳芳姐又話護苗基金冇政府或者其他團體資助，賣旗係重要收入來源，𠵱家惟有向各方歌迷會埋手班馬囉。