06/09/2007.....
晴
最新動態
賭波或者睇波同以前賭馬一樣，係港人集體回憶兼集體思考嘅玩意；話之「畸寶」號稱西甲係全世界水準最高，又話之球迷𠵱家狂轟「現在」製作英超節目老套冇創意、硬sell專業同講波佬啲老西核突。總之英超呢個超級品牌，港人可以容忍；因為曼聯、利物浦，所以大家肯拎幾百蚊月費上台，就算紅魔開季打得唔好，依然不離不棄。
賭博心態一樣，無幾多人閂埋房門㩒電腦自己亂買，梗係同啲朋友講吓波經，扮吓專家先過癮；喺我哋同事當中，畢傑賭波投入兼有啲心得，近期運氣唔錯，尤其見佢從巴西採訪回來後，都經常同佢交換心得，真係現場睇過喎，有幾多港人試過。巴甲兩大強隊聖保羅同高士路近月開咗一條長勝路，贏到擁躉笑逐顏開，今朝莊家竟然為佢哋齊開作客讓平/半嘅所謂鬼盤，畢傑就唔信喇，我實撐佢；結果如何，大家今朝11點就知。
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報