已經有一段時間冇出過碟、活躍於70、80年代嘅泰廸羅賓，噚日帶埋新推出嘅發燒碟到商台接受訪問，佢話投資做呢隻碟嘅老闆勸咗佢出碟好耐，而且畀佢邀請香港最出色嘅樂手伴奏。另外泰廸羅賓話今次呢隻碟畀咗一個親子機會佢，因為當中有一首歌係由佢仔仔負責彈結他，而佢個女就負責幫佢做插畫。