「早幾日執屋，見到樽黑麻麻嘅嘢，原來係鹹柑桔，上面有阿媽嘅字迹，寫住日期係82年，原來係浸咗廿幾年嘅鹹柑桔，飲咗會唔會肚痛或者食物中毒？」「mikimoto」忽然在家中發現母親多年前醃製的鹹柑桔，不過她望而生畏，「有無人試過？我就唔敢飲，好恐怖。」
網友爭住接收
「mikimoto」視這樽有四分一世紀的鹹柑桔是「草」，網友卻異口同聲大說是「寶」，很多人都說若「mikimoto」不要，可「捱義氣」接收，她見這樽「家傳之寶」可能真是好嘢，似乎又不捨得拱手相讓，「如果發咗霉，係咪全樽都唔要得？如果當個樽蓋生咗鏽，我唔敢隨便開，驚一開蓋，個蓋會跌咗落去。」
不要以為有25年歷史的鹹柑桔很矜貴，網友家中收埋不少好嘢，「我愛茶煲個煲」說：「我屋企有樽超過40年，顏色黑過廿四味，係我阿嫲浸落，我唔超級喉嚨痛都唔捨得飲，呢啲家傳之寶真係買少見少。」「vaselinejelly」稱：「屋企有樽50年歷史，飲咗冇事，效力仲好掂！」
http://www17.discuss.com.hk/viewthread.php?tid=5195417&extra=&page=1